قومی دارالحکومت دہلی کی کڑکڑڈوما عدالت دہلی تشدد اور انکت شرما قتل کے ملزم طاہر حسین کی پیشگی ضمانت کی درخواست کی سماعت 5 مارچ کو کرے گی۔
درخواست کی سماعت شمال مشرقی دہلی کے ضلع جج سدھیر کمار جین کریں گے۔
طاہر حسین کے خلاف نعرے بازی
آج سماعت کے دوران عدالت نے دہلی پولیس کی ایس آئی ٹی سے جواب طلب کیا۔ سماعت کے دوران کڑکڑڈوما عدالت میں طاہر حسین کے خلاف نعرے بازی کی گئی تھی۔
انکت کے والد کے بیان پر طاہر کے خلاف مقدمہ درج
دراصل دہلی پولیس نے انکت کے والد کے بیان پر طاہر حسین کے خلاف مقدمہ درج کرلیا ہے۔ مقدمہ میں یہ الزام لگایا گیا ہے کہ انکت شرما کو طاہر حسین کے گھر میں لے جاکر قتل کیا گیا تھا۔ انکت شرما کی پوسٹ مارٹم رپورٹ میں انکشاف ہوا ہے کہ ان کے جسم پر چار سو بار تیز دھار ہتھیار سے حملہ کیا گیا تھا۔
ایف آئی آر 302 کے تحت درج
طاہر حسین کے خلاف تعزیرات ہند کی دفعہ 302، 365، 201 اور 34 کے تحت معاملہ درج کیا گیا ہے۔
