نئی دہلی: سائٹ سیور انڈیا نے نیشنل ٹرکرز آئی ہیلتھ پروگرام - راہی کے پانچ سال مکمل ہونے کا جشن منایا جس میں بین الاقوامی شہرت یافتہ اداکار اور ہدایت کار کبیر بیدی نے بھی شرکت کی جو سائٹ سیور انڈیا کے اعزازی برانڈ ایمبیسیڈر بھی ہیں۔ اس کے علاوہ روڈ ٹرانسپورٹ اور ہائی ویز کی وزارت کے ایڈیشنل سکریٹری امت کمار گھوش نے بھی پروگرام میں شرکت کی۔ Site Saver celebrates Completed five years
راہی کا مقصد ریفریکٹو ایررز کا شکار ٹرک ڈرائیوروں کو آسان طریقے سے چشمے دلائے جاسکیں، وہ مسلسل پہنیں اور باقاعدگی سے آنکھوں کا معائنہ کراتے رہیں۔ یہ پروگرام ہب اینڈ اسپوک ماڈل کی بنیادپرکام کرتا ہے جس کے مستحکم ویژن مراکز (راہی درشٹی مرکز) اور آؤٹ ریچ کیمپس موجود ہیں۔ ان خدمات میں آنکھوں کا معائنہ، ریفریکشن، بلڈ پریشر ٹیسٹ، جسمانی وزن کا ٹیسٹ، موتیابند ٹیسٹ اور آنکھوں کی صحت سے متعلق مشاورت اور حوالہ جات جیسی چیزیں شامل ہیں۔
تقریب کا آغازسائٹ سیور انڈیا اورچولامنڈلم کی جانب سے تیارکی گئی ایک شارٹ فلم سے ہوا۔ اس کے بعد پانچ برسوں کے سفرکے بارے میں ایک رپورٹ 'آئیز آن دی ہائی وے'، پیش کی گئی جس میں نیشنل ٹرکرز آئی ہیلتھ پروگرام کے بارے میں اب تک کے اعدادوشمار، پیش رفت اور اہم معلومات پیش کی گئیں۔ اس کے ساتھ ہی، پانچ برسوں کے دوران ٹرک ڈرائیوروں کو فراہم کیے جانے والے ریڈی ٹو کلپ چشموں کے اثرات اور افادیت پر ایک رپورٹ پیش کی گئی۔
اس موقع پر، کبیر بیدی نے کہا، ’’ہندوستان کی سڑکوں پر تقریباً 90 لاکھ ٹرک ڈرائیور ہیں جو ہماری ضرورت کی چیزیں ہمارے گھروں تک پہنچاتے ہیں۔ ہمیں یہ جان کر حیرت ہوئی کہ ان 90 لاکھ ڈرائیوروں میں سے تقریباً 50 فیصد کو بینائی کے مسائل تھے۔ سال 2017 میں، سائٹ سیورز نے راہی پریاس کی شروعات کی، تاکہ ٹرک ڈرائیوروں کی آنکھوں کی دیکھ بھال کی جاسکے۔
یہ بھی پڑھیں: احمد آباد کے 610 سال مکمل ہونے پر جشن
ڈاکٹرایس وائی قریشی، اعزازی چیئرمین، سائٹ سیور انڈیا بورڈ نے کہا، "راہی۔ سائٹ سیورز کا ایک اہم پروگرام ہے۔ میں پورے ملک میں ٹرک چلانے والے لوگوں کی خدمت کرنے کے سائٹ سیورز اورچولامنڈلم کی شراکت کے پانچ برسوں کے سفرکے بارے میں بنائی گئی یہ فلم پیش کرتے ہوئے خوشی محسوس کررہا ہوں۔ گزشتہ برسوں کے دوران سائٹ سیورز اور چولا منڈلم نے ہندوستان میں ٹرک ڈرائیوروں کی برادری کو آنکھوں کی دیکھ بھال کی خدمات دستیاب کراکر مشترکہ طورپر بہت اہم تعاون دیا ہے۔ راہی پروگرام نے ٹرک ڈرائیوروں کی زندگی پر مثبت اثرات مرتب کیاہے۔ اورآنکھوں کی صحت و روڈ سیکورٹی جیسے مسائل حل کرنے کی سمت میں اہم کرداراداکیا ہے۔
یو این آئی
