آسام: سڑک حادثے میں 7 افراد ہلاک

آسام کے ضلع ڈبروگڑھ میں ایک سڑک حادثے میں 7 افراد ہلاک ہوگئے۔ یہ حادثہ این ایچ 37 پر لیپیٹکاٹا کے پاس پیش آیا۔

اطلاعات کے مطابق ایک بولیرو دھیماجی سے کٹھوعہ جارہی تھی تبھی سڑک پر کھڑے ٹریلر سے ٹکرا گئی، جس کے سبب 7 افراد کی موت ہوگئی۔

گاڑی میں سوار تمام افراد شادی کے ایک پروگرام میں شرکت کے بعد واپس آرہے تھے۔

اس حادثے کے بعد تمام افراد کو آسام میڈیکل کالج میں داخل کرایا گیا، جہاں ڈاکٹروں نے تمام افراد کو مردہ قرار دیا۔