:
ترکی کی جانب سے شمالی شام میں اپنی فوجی مہم شروع کئے جانے کے بعد یہ میٹنگ بلائی جائے گی جسے کافی اہم مانا جا رہا ہے۔
اقوام متحدہ میں جنوبی افریقہ کے سفیر جیری متزلا نے بدھ کو کہا’’میں شام کے معاملہ پر بات چیت کے لئے کل صبح ایک میٹنگ بلانے کی کوشش کر رہا ہوں‘‘۔
قابل غور ہے کہ اکتوبر ماہ کے لئے سلامتی کونسل کی صدارت جنوبی افریقہ کے پاس ہے۔ یہ اجلاس یا تو بند دروازوں کے اندر ہو گا یا سلامتی کونسل کے چیمبر میں کھلی بحث ہوگی۔
متزلا نے کہا’’سلامتی کونسل کے کچھ ارکان نے شام کے معاملہ پر غور خوض کے لئے ایک اجلاس بلانے کا مطالبہ کیا ہے۔ ہم اجلاس کی تیاری کر رہے ہیں‘‘۔
سفارتکاروں نے کہا کہ شام کے معاملہ پر اجلاس بلانے کے لئے بیلجئیم، برطانیہ، فرانس، جرمنی اور پولینڈ نے درخواست کی ہے۔
قابل ذکر ہے کہ شام سے امریکی فوجیوں کی واپسی کے بعد ترکی نے کرد جنگجوؤں کے خلاف اپنی فوجی مہم کا آغاز کر دیا ہے۔ یہاں کرد جنگجو امریکی فوجیوں کے ساتھ مل کر اسلامک اسٹیٹ کے خلاف لڑ رہے ہیں۔
