دہلی کے پٹپڑ گنج علاقے میں حکومت کے جانب سے غریب اور لاچار لوگوں میں دال اور چاول تقسیم کیے جا رہے ہیں۔اس سے متعلق دہلی کے نائب وزیر اعلی منیش سسوڈیا نے آج اس کا جائزہ لیا۔
اطلاع کے مطابق ملک میں کورونا وائرس سے متاثرہ افراد میں مسلسل اضافہ ہورہا ہے،وہیں لاک ڈاؤن سے کئی گھروں کے چولہے ٹھنڈے پڑ گئے ہیں، اور ان کے لئے روزگار ملنا مشکل ہو گیا ہے ۔
دہلی میں اس وقت لاکھوں لوگ بیروزگار ہیں کئی گھروں میں کھانے کے لیے کچھ بھی نہیں ہے، اور غریبوں کو خوراک بھی ملنا مشکل ہو گیا ہے۔
اس بے بسی کے عالم میں مجبور اور ضرورت مند لوگوں کے لئے دہلی سرکار نے گزشتہ روز سے بعض علاقوں کے گلی محلے اور اسکولز میں کھانے کا انتظام کیا ہے۔
اس انتظامات کے پیش نظر کھانا لینے کے لئے لوگوں کی لمبی قطاریں نظر آ رہیں ہے، کافی تعداد میں بچے اور بیروزگار لوگ اسکولز پہنچ رہے ہیں،وہیں اسکولی بچوں کو فاصلہ بنا کر کھانا دیا جارہا ہے۔
حکومت کے اس فیصلے سے یقینی طور پر دہاڑی اور مزدور طبقہ کو کافی حد تک راحت ملنے کے امکان ہیں ۔
