نئی دہلی: سپریم کورٹ نے پیر کو 2002 کے گودھرا ٹرین کیس کے مجرموں کی ضمانت کی درخواستوں کو مسترد کر دیا، جنہیں ٹرائل کورٹ نے موت کی سزا سنائی تھی لیکن گجرات ہائی کورٹ نے عمر قید میں تبدیل کر دی تھی۔ ٹرائل کورٹ نے 11 مجرموں کو سزائے موت جبکہ 20 کو عمر قید کی سزا سنائی۔ ہائی کورٹ نے اس کیس میں 31 افراد کی سزا کو برقرار رکھتے ہوئے سزا کو کم کیا تھا۔ تاہم ان میں سے کچھ نے سزا کے خلاف اپنی اپیلوں کے نمٹانے تک ضمانت کے لیے سپریم کورٹ سے رجوع کیا تھا۔
قابل ذکر بات یہ ہے کہ 27 فروری 2002 کو گجرات کے گودھرا میں سابرمتی ایکسپریس کے ایس 6 ڈبے میں آگ لگ گئی تھی جس میں 59 لوگ ہلاک ہوگئے تھے۔ اس واقعہ کے بعد ریاست میں فسادات پھوٹ پڑے۔چیف جسٹس ڈی وائی چندرچوڑ اور جسٹس جے بی پردی والا کی بنچ نے کہا کہ سزائے موت کو عمر قید میں تبدیل کرنے کے خلاف ریاستی حکومت کی اپیل کے علاوہ مجرموں کی ضمانت کی درخواستوں کو مؤثر طریقے سے نمٹانے کے لیے ایک خلا پیدا کرنے کی ضرورت ہے۔
بنچ نے کہا کہ وہ فی الحال ان لوگوں کی ضمانت کی درخواستوں کو مسترد کر رہا ہے، جنہیں ٹرائل کورٹ نے سزا میں تبدیلی سے قبل موت کی سزا سنائی تھی۔ بنچ نے اب مجرموں کی بقیہ ضمانت کی درخواستیں 21 اپریل کو نمٹانے کے لیے رکھی ہیں۔ گجرات حکومت کی جانب سے سالیسٹر جنرل تشار مہتا عدالت عظمیٰ میں پیش ہوئے۔ انہوں نے سماعت کے آغاز میں کہا کہ ہم سنجیدگی سے ان مجرموں کے لیے موت کی سزا پر زور دے رہے ہیں جن کی سزائے موت کو گجرات ہائی کورٹ نے عمر قید میں تبدیل کر دیا ہے۔ یہ ایک نادر واقعہ ہے جس میں خواتین اور بچے سمیت 59 افراد زندہ جل گئے تھے۔
مزید پڑھیں:۔ Godhra Train Tragedy Case گودھرا سانحہ کیس کے قصوروار کو سُپریم کورٹ سے ضمانت
انہوں نے کہا کہ ٹرین کے ڈبے کا دروازہ باہر سے بند تھا۔ جس کے سبب خواتین اور بچوں سمیت 59 افراد ہلاک ہوگئے تھے۔ عدالت عظمیٰ نے 24 مارچ کو کہا تھا کہ وہ اس معاملے کی سماعت کی اگلی تاریخ پر مجرموں کی ضمانت کی درخواستوں کو نمٹا دے گی۔قابل ذکر ہے کہ عدالت عظمیٰ اب تک اس معاملے میں دو قصورواروں کو ضمانت دے چکی ہے۔ اس معاملے میں سات دیگر ضمانت کی درخواستیں فیصلہ کے لیے زیر التوا ہیں۔
