قومی دارالحکومت دہلی میں وزیر داخلہ امت شاہ نے نیم فوجی دستوں کے جوانوں میں کورونا وائرس انفیکشن کے بڑھتے کیسز پر تشویش ظاہر کرتے ہوئے اس پر روک لگانے کے سبھی طرح کی کوششیں کرنے کو کہا ہے۔
مسٹر شاہ نے آج ایک میٹنگ میں تمام مرکزی پولیس فورسز کے ڈائریکٹرز کے ساتھ صورت حال کا جائزہ لیا۔
انہوں نے پولیس فورسز کی جانب سے کورونا وائرس کے خلاف مہم میں دیے جارہے تعاون کی ستائش کی، لیکن ساتھ ہی پولیس اہلکاروں میں کورونا وائرس انفیکشن کے بڑھتے کیسز پر تشویش کا اظہار کیا۔
میٹنگ میں کورونا وائرس کے بڑھتے کیسز کے معاملہ پر روک لگانے کے اقدامات پر بھی بات چیت کی۔
مرکزی فورسز کے ملازمین کی کارکردگی اور فلاح و بہبود کو یقینی بنانے کے لیے اٹھائے جا رہے اقدامات کے بارے میں بھی میٹنگ میں معلومات دی گئی۔
خیال رہے کہ مرکزی پولیس فورسز کے جوانوں کے کورونا وائرس سے متاثر ہونے کے کیسز مسلسل بڑھ رہے ہیں اور صرف بی ایس ایف میں ہی 225 جوان اس وائرس سے متاثر ہوچکے ہیں۔
