ایمس کے ڈاکٹر ابھینو سنگھ ورما اور آئی آئی ٹی دہلی کے طلباء نے مل کر'کوپل۔19' نامی ایپ بنایا ہے جس کی مدد ان افراد کو بآسانی دھونڈا جا سکتا ہے جو کورونا وائرس سے صحتیاب ہوئے ہوں اور پلازما ڈونیٹ کرنا چاہتے ہوں۔
ڈاکٹر ابھینو سنگھ نے کہا کہ 'کورونا وائرس سے جوجھ رہے ملک میں خون کی کمی ہے اور اس وائرس سے متاثرین افراد کو صحتیاب ہونے کے لیے خون کی ضرورت ہوتی اس لیے یہ ایپ بنایا گیا ہے جو ہمیں ایسے شخص کو پتہ بتائے گا جو کورونا وائرس سے صحتیاب ہوئے ہیں۔
انہوں نے کہا کہ 'ابھی تک ہم نے اس ایپ کی مدد سے 70 افراد سے رابطہ کیا ہے لیکن اس تعداد میں مزید اضافے کی ضرورت ہے تا کہ زیادہ سے زیادہ لوگ پلازما ڈونیٹ کریں۔
واضح رہے کہ یہ ایپلی کیشن کل نیشنل ڈاکٹرز ڈے پر ہی لانچ کیا گیا ہے۔
