کورونا وائرس کی وجہ سے مختلف مساجد میں شب معراج کے موقع پر منعقد ہونے والے جلسوں و محافل کو منسوخ کردیا گیا ہے تاہم مسلمان گھروں میں ہی رات بھر نوافل عبادات میں مصروف رہیں گے۔
اسلامی تاریخ میں ماہ رجب کو کافی اہمیت حاصل ہے کیونکہ اس ماہ کی 27 ویں تاریخ کو معراج النبی صلی اللہ علیہ وسلم کا واقعہ پیش آیا تھا۔
دنیا بھر میں مسلمان شب معراج کو بڑی عقیدت و احترام سے مناتے ہیں اور نوافل عبادات کا اہتمام کرتے ہیں۔
بھارت میں کورونا وائرس کی وجہ سے شب معراج کے موقع پر منعقد ہونے والے مختلف اجتماعات کو منسوخ کردیا گیا ہے جبکہ ہر سال ان اجتماعات میں لاکھوں افراد شرکت کرتے تھے۔
علما کرام نے مسلمانوں سے گھروں میں عبادات کرتے ہوئے شب بسری کرنے کی تلقین کی ہے۔
