ایودھیا: مسجد کے لیے تشکیل شدہ ٹرسٹ میں سرکاری نمائندے کو شامل کرنے کی عرضی مسترد

سپریم کورٹ نے ایودھیا میں مسجد کی تعمیر کے لئے تشکیل انڈو اسلامک کلچرل فاؤنڈیشن ٹرسٹ میں کسی سرکاری نمائندے کو شامل کرنے کا حکم دینے سے جمعہ کو انکار کر دیا۔

جسٹس آر ایف نریمن اور جسٹس کے ایم جوزف کی بنچ نے ششیر چترویدی کی مفاد عامہ کی عرضی سرے سے خارج کردی۔ عدالت نے کہا کہ ایودھیا میں مسجد کے لئے بنے ٹرسٹ میں مرکز یا پھر ریاستی حکومت کا کوئی بھی نمائندہ شامل نہیں ہوگا۔

عرضی گزار نے ایودھیا میں رام مندر ٹرسٹ کی طرح ہی پانچ ایکڑ کی متبادل اراضی پر تعمیر ہونے والی مسجد کے لیے تشکیل شدہ ٹرسٹ میں بھی حکومت کے نمائندے شامل کرنے کے لئے مرکز اور ریاستی حکومت کو حکم دینے کا مطالبہ کیا تھا۔