Red Fort Violence Case: دیپ سدھو اور دیگر ملزمان عدالت میں پیش ہوئے

لال قلعہ تشدد کیس کے ملزم دیپ سدھو اور دیگر ملزم آج دہلی کی تیس ہزاری عدالت میں ویڈیو کانفرنسنگ کے ذریعے پیش ہوئے۔

لال قلعہ پر تشدد کیس میں ملزم دیپ سدھو اور دیگر ملزمان ویڈیو کانفرنسنگ کے ذریعے دہلی کی تیس ہزاری عدالت میں آج پیش ہوئے۔ واضح رہے کہ دیپ سدھو کو دہلی پولیس کے خصوصی سیل نے ہریانہ کے کرنال سے گزشتہ 9 فروری کو گرفتار کیا تھا۔ اس تشدد میں متعدد پولیس اہلکار زخمی ہوئے تھے۔

Red Fort Violence Case: دیپ سدھو اور دیگر ملزمان عدالت میں پیش ہوئے

گزشتہ 19 جون کو عدالت نے دہلی پولیس کی جانب سے اس معاملے میں دائر چارج شیٹ کا نوٹس لیا تھا۔ میٹرو پولیٹن مجسٹریٹ گجیندر ناگر نے دیپ سدھو سمیت تمام ملزمان کو آج عدالت میں پیش ہونے کا حکم دیا تھا۔

چارج شیٹ میں کہا گیا ہے کہ 26 جنوری کو لال قلعہ پر قبضہ کرنے کے لئے ایک سازش رچی گئی تھی اور لال قلعہ کو احتجاج کا مرکز بنانے کا منصوبہ بنایا گیا تھا۔ چارج شیٹ میں کہا گیا ہے کہ 'اس تشدد کے ذریعہ مرکزی حکومت کو بدنام کرنے کا منصوبہ بنایا گیا تھا۔'

گزشتہ 21 مئی کو دہلی پولیس کی کرائم برانچ نے چارج شیٹ داخل کی تھی۔ کرائم برانچ نے اس معاملے میں دیپ سدھو سمیت 16 افراد کو ملزم بنایا ہے۔ جب کہ دیپ سدھو کو اس معاملے میں ضمانت مل چکی ہے۔

دہلی پولیس کے ذریعہ درج کی گئی ایف آئی آر میں عدالت نے گزشتہ 17 اپریل کو دیپ سدھو کی ضمانت منظور کی تھی۔ جیسے ہی انہیں ضمانت پر رہا کیا گیا پولیس نے 17 اپریل کو آرکیالاجیکل سروے آف انڈیا کے ذریعہ لال قلعے کو پہنچنے والے نقصان کے معاملے میں دیپ سدھو کو گرفتار کرلیا۔