اس بار دھان اور گیہوں کی پلاسٹک بوری میں پیکنگ

انڈین فوڈ کارپوریشن اس بار دھان اور گیہوں کی پیکنگ جوٹ کی بوری کی جگہ پلاسٹک کی بوری میں کررہا ہے۔

خوراک کی تقسیم کے وزیر رام ولاس پاسوان نے آج پریس کانفرنس میں کہا ہے کہ لاک ڈاؤن کی وجہ سے جوٹ مل بند ہیں جس کی وجہ سے ریاستوں کے پاس جوٹ کی نئی بوریاں نہیں ہیں۔اس کی وجہ سے دھان اور گیہوں کو پلاسٹک کی بوریوں میں رکھا جارہا ہے۔

پاسوان نے کہا ہےکہ پیٹرو کیمیکل محکمے سے مشورہ کرکے پلاسٹک کی بوری کا پروڈکشن بڑھایا گیا ہے۔اس سال ربیع سیزن کے دوران اب تک 439 لاکھ ٹن دھان اور 226.85 لاکھ ٹن گیہوں کی خرید کی گئی ہے۔