دہلی میں بارش کا سلسلہ بدستور جاری

دہلی میں بارشوں کا سلسلہ بدستور جاری ہے جس کی وجہ سے سڑکوں اور گلیوں میں جمع پانی سے اب لوگوں کو شدید پریشانیوں کا سامنا کرنا پڑ رہا ہے۔

نئی دہلی: دارالحکومت دہلی میں بارشوں کا سلسلہ بدستور جاری ہے۔ گذشتہ روز ہوئے موسلا دھار بارش نے جہاں لوگوں کو گرمی سے راحت دلائی تھی، وہیں سڑکوں اور گلیوں میں جمع پانی سے اب لوگوں کو شدید پریشانیوں کا سامنا کرنا پڑ رہا ہے۔

وہیں محکمہ موسمیات نے دہلی کے مختلف علاقوں میں بارش ہونے کی پیش گوئی کی ہے۔ اور دہلی کا درجہ حرارت کم از کم 24 ڈگری اور زیادہ سے زیادہ 32 ڈگری کے قریب رہنے کا امکان ہے۔

گزشتہ پیر کے روز دارالحکومت دہلی میں صبح 8:30 سے شام 5:30 بجے تک 38.4 ملی میٹر بارش ریکارڈ کی گئی۔ وہیں دہلی کے شاہین باغ ،بدرپور ،کالکا جی، نہرو پلیس وغیرہ میں بھی اچھی بارش ہوئی ہے، اس دوران دہلی کا درجہ حرارت 26.5 ڈگری سینٹی گریڈ ریکارڈ کیا گیا ہے۔