کانگریس کے سابق صدر راہل گاندھی نے بیرون ملک میں تیار کردہ کورونا ویکسین کے استعمال کو بھارت میں منظوری پر مرکزری حکومت کو تنقید کا نشانہ بنایا۔
بدھ کے روز کانگریس کے سابق صدر راہل گاندھی نے مہاتما گاندھی کے ایک قول کا حوالہ دیتے ہوئے ٹویٹ کیا کہ 'پہلے وہ تمہیں نظرانداز کریں گے، پھر تم پر ہنسیں گے، پھر وہ تم سے لڑیں گے، پھر تم جیت جاؤگے۔'
واضح رہے کہ راہل گاندھی نے کچھ دن قبل وزیر اعظم نریندر مودی کو خط لکھ کر درخواست کی تھی کہ وہ بیرون ملک میں تیار کی جانے والی ویکسین کو ہندوستان میں استعمال کی اجازت دیں۔
اس کے بعد مرکزی وزیر روی شنکر پرساد نے ان پر غیر ملکی کمپنیوں کی لابنگ کا الزام لگایا تھا۔
وہیں، ایک اور ٹویٹ میں راہل گاندھی نے بی آر امبیڈکر کے یوم پیدائش کے موقع پر خراج تحسین پیش کرتے ہوئے کہا کہ ہندوستان اب یہ ثابت کر رہا ہے کہ وقت کے ساتھ پیچھے رہ جانا ممکن ہے۔
یہ بھی پڑھیں: خصوصی رپورٹ: ماہ مقدس میں عبادت بھی کریں، احتیاط بھی برتیں
انہوں نے کہا کہ 'آج ہم باباصاحب کو یاد کرتے ہیں، جنہوں نے ایسے مشکل سوالات حل کیے، جن سے ہمارے ملک کو ترقی کی راہ پر چلنے میں مدد ملی۔'
