مرکزی وزیر مالیات نرملا سیتا رمن نے آج کانگریس کے سابق صدر راہل گاندھی پر آئینی عہدوں پر فائز شخصیات اور سسٹم کی لگاتار توہین کرنے کا الزام عائد کیا۔ نرملا سیتا رمن نے کہا کہ ملک آج دیکھ رہا ہے کہ کانگریس کے رہنما راہل گاندھی کا پارلیمانی جمہوریت میں اعتماد ختم ہوگیا ہے۔
عام بجٹ 2021-22 سے متعلق لوک سبھا میں ہونے والی بحث کے جواب میں سیتا رمن نے کانگریس اور اس کی قیادت پر سخت حملہ کیا اور کہا کہ پارلیمنٹ میں اپوزیشن کی ذمہ داری ہے کہ وہ حکومت کو کٹہرے میں کھڑا کرے اور عوام کے تئیں اس کے احتساب کو یقینی بنائے۔ لیکن کانگریس ’ڈومس ڈے مین‘ کی سربراہی میں کہاں جارہی ہے؟
مزید پڑھیں:
نرملا سیتا رمن بجٹ پر پارلیمنٹ میں جواب دیں گی
وزیر مالیات نے جارحانہ انداز میں کہا کہ 'پارلیمنٹ میں روایت رہی ہے کہ بجٹ پر بحث و مباحثہ کیا جائے۔ ہم بھی تبادلہ خیال کرنا چاہتے ہیں۔ لیکن کانگریس کے قائد کیا کردار ادا کرنا چاہتے ہیں۔ راجیہ سبھا میں جن کے سینئر رہنما بجٹ پر سوالات کرتے ہیں اور جوابات سنتے ہیں۔ ایسا لوک سبھا میں کیوں نہیں ہوتا۔ آخریہ کیا طریقہ ہے؟
