کم سے کم حکمرانی ، زیادہ سے زیادہ نجکاری حکومت کی پالیسی : راہل

سابق کانگریس صدر راہل گاندھی نے مودی حکومت پر طنز کرتے ہوئے کہا کہ اس نے اپنی پالیسی تبدیل کردی ہے اور اب ’کم سے کم حکومت ، زیادہ سے زیادہ نجکاری‘ کے نظریہ پر کام کر رہی ہے۔

راہل گاندھی نے کہا کہ ’’مودی حکومت کی سوچ - کم سے کم حکمرانی زیادہ سے زیادہ نجکاری‘۔ کووڈ-19 تو بس بہانہ ہے ، سرکاری دفتروں کو پرمنینٹ اسٹاف سے مُکت بنانا ہے،نوجوانوں کا مستقبل چرانہ ہے اور ’دوستوں‘ کو آگے بڑھانا ہے ۔ ‘‘

کانگریس کے ترجمان رندیپ سورجے والا نے کہا ’’مودی جی ، اب نئی ملازمتوں اور نئے عہدوں پر بین۔ نوجوانوں کے لئے تعلیم نہیں ، نوجوانوں کے لئے کوئی روزگار نہیں ، نوجوانوں کے امتحان کا کوئی نتیجہ نہیں ، اب ... نوجوانوں کے لئے مستقبل میں کوئی نوکری نہیں۔‘‘

انہوں نے کہا کہ حکومت نوجوانوں کے لئے مواقع پیدا نہیں کرتی ہے اور اس سمت میں کوئی کوشش نہیں کی جارہی ہے۔

انہوں نے کہا ، ’’بی جے پی نوجوانوں کے مستقبل پر کنڈلی مارے بیٹھی ہے! انصاف کب ملے گا ، نا انصافی اب نہیں چلے گی۔‘‘