نئی دہلی: پروفیسر اقتدار محمد کو جامعہ ملیہ اسلامیہ کے شعبہ اسلامک اسٹیڈیز کا آج سربراہ مقرر کیا گیا۔ جامعہ ملیہ اسلامیہ کی وائس چانسلر پروفیسر نجمہ اختر نے ذاکر حسین انسٹی ٹیوٹ آف اسلامک اسٹڈیز کے اعزازی ڈائریکٹر پروفیسر اقتدار محمد خاں کو ان کی گراں قدر صلاحیت کو دیکھتے ہوئے انہیں اسلامک اسٹڈیز کا صدر شعبہ مقرر کیا ہے۔ Prof. Iqtidar Mohammad Khan appointed Head of JMI Department of Islamic Studies
پرفیسر اقتدار محمد خاں اس سے پہلے بھی اس شعبے کے ہیڈ آف ڈپارٹمنٹ رہ چکے ہیں۔ انہیں دوبارہ صدر شعبہ بنائے جانے پر شعبے سے وابستہ اساتذہ کے ساتھ طلبا وطالبات نے خوشی کا اظہار کیا اور کہا کہ پروفیسر اقتدار محمد خاں صدر شعبہ کی حیثیت سے اساتذہ طلبا و طالبات کے ساتھ بڑی خوش اخلاقی سے پیش آتے ہیں اور ہمیشہ ان کا حوصلہ بڑھاتے رہتے ہیں جس سے پڑھنے پڑھانے کا ایک اچھا ماحول بنا رہتا ہے۔
مزید پڑھیں:
شعبہ اسلامک سے وابستہ اساتذہ و طلبا نے پرفیسراقتدار محمد خاں کے حسن و سلوک اور درس و تدریس کو دیکھتے ہوئے شعبہ اسلامک اسٹڈیز مزید بہتر ترقی کرنے کی امید ظاہر کی ہے۔ پروفیسر اقتدار محمد خاں کے صدر شعبہ بننے پر اسلامک اسٹڈیز اور ذاکر حسین انسٹی ٹیوٹ کے جملہ اسٹاف نے مبارک باد پیش کرتے ہوئے وائس چانسلر پروفیسر نجمہ اختر کا شکریہ ادا کیا ہے۔ Prof. Iqtidar Mohammad Khan appointed Head of JMI Department of Islamic Studies
