چدمبرم نے منگل کے روز یہاں کانگریس ہیڈکوارٹر میں منعقد ایک پریس کانفرنس میں کہا کہ ملک نے 70 سال میں جو کچھ حاصل کیا ہے، مودی حکومت نے ایک جھٹکے میں اسے فروخت کرنے کا فیصلہ کیا ہے۔ تعجب کی بات ہے کہ اس بابت کسانوں، نوجوانوں یا اپوزیشن سے کوئی غور و خوض نہیں کیا گیا اور چپ چاپ یہ فیصلہ کرکے ملک کے مستقبل کو اندھیرےمیں ڈھکیلا گیا ہے۔
یہ بھی پڑھیں:
چینی مصنوعات کے بائیکاٹ سے چین کو نہیں ہوگا نقصان: چدمبرم
انہوں نے کہا کہ مودی حکومت معاشی سطح پر ہمیشہ ناکام ثابت رہی ہے اور اس کے معاشی بدانتظامی کے سبب ملک معاشی بحران میں پھنستا گیا ہے لیکن اس بحران سے باہر نکلنے کا جو راستہ ڈھونڈا گیا ہے، وہ بہت خطرناک ہے اور اس سے ملک کا بھلا ہونے والا نہیں ہے۔ انہوں نے کہا کہ ملک نے 70 سال میں جو کچھ حاصل کیا ہے، اسے اس طرح سے نہیں فروخت کیا جانا چاہیے۔ حکومت کے اس فیصلے پر بحث ہونی چاہیے۔ اداریہ لکھا جانا چاہیے اور سنجیدہ بحث ہونی چاہیے۔ ان کا کہنا تھا کہ یہ اسکینڈل ہے اور اس پر ہر کسی کو سنجیدگی سے غوروخوض کرنا چاہیے۔
یو این آئی
