اس کے لئے پہلے سے ہی جامعہ میں گذشتہ 18 جون سے یونیورسٹی کے منصور علی خان پٹودی اسپورٹس کامپلیکس میں تربیتی پروگرام جاری ہے۔ اس تعلق سے حکومت ہند کی وزارت آیوش نے اس پروگرام میں حصہ لینے والوں کے لئے یوگا کے ماہرین کا انتظام کیا ہے جو شرکاء کو بہترین تربیت دے رہے ہیں۔
جامعہ ملیہ اسلامیہ کی وائس چانسلر پروفیسر نجمہ اختر نے بذات خود اس پروگرام کامعائنہ کیا، جس میں این ایس ایس اور این سی سی کے کارکنان سمیت، ڈین اسٹوڈنٹ ویلفیئر کے سربراہان اور دیگر یونیورسٹی کے معزز افسران اس کو کامیاب بنانے کے لئے منہمک ہیں۔
اکیس جون کو منعقد ہونے والے اس پروگرام میں وائس چانسلر کے ساتھ یونیورسٹی کے دیگر منتظمین اور وزراء شرکت کریں گے جن میں بطور خاص یوتھ افیئرس اینڈ اسپورٹس کے وزیر شامل ہوں گے۔ یہ پروگرام علیٰ لصباح 7 بجے شروع ہوگا۔
یہ پروگرام پروفیسر این یو خان کی قیادت میں انجام پذیر ہوگا، این ایس ایس پروگرام کو آرڈینٹر ڈاکٹر عابد حسین، این ایس ایس پروگرام آفیسر ڈپٹی پروگرام آفیسر وقار حسین صدیقی، این سی سی افسران اتل صبا اور فرحانہ خاتون وغیرہم اس پروگرام کو کامیاب بنانے کے لئے تن من سے لگے ہوئے ہیں۔
