قومی دارالحکومت دہلی میں ایک بار پھر ہوا کا معیار بے حد خراب یعنی فضائی انڈیکس 443 درج کیا گیا ہے۔ محکمہ موسمیات نے لوگوں کو بلا ضرورت گھر سے باہر نہ نکلنے کا مشورہ دیا ہے۔
واضح رہے کہ ہر برس کی طرح اس برس بھی سردی کے موسم دہلی کی فضا زہریلی ہوا سے بھر جاتی ہے۔ وہیں دہلی کے مختلف علاقوں مثلاً انڈیا گیٹ، چاندنی چوک ، لودھی روڈ کی فضا بے حد خراب تسلیم کی جاتی ہے۔
جمعرات کی صبح دارالحکومت کے علاقوں میں ہوا کا معیاری انڈیکس 443 سے اوپر رہا ہے جو کہ انتہائی ناقص زمرے تسلیم کیا جاتا ہے۔
قومی دارالحکومت دہلی میں آلودگی کی حالت سنگین ہوتی جارہی ہے، جبکہ آج صبح دارالحکومت کے علاقوں میں ہوا کے معیار کا انڈیکس 443 سے اوپر رہا جو کہ انتہائی ناقص زمرے میں ہے، اور عالم یہ ہے کہ انڈیا گیٹ بھی اس آلودگی سے نظر نہیں آیا۔
واضح رہے کہ آج صبح دس بجے دارالحکومت دہلی کے علاقے آنند وہار میں ایئر کوالٹی انڈیکس 468 ریکارڈ کیا گیا ہے جو یہ شام 10 کی سطح سے کہیں زیادہ ہے۔
اسی طرح دہلی کے مُنڈکا کے علاقے میں ہوا کی کوالٹی انڈیکس 467 ہے تاہم یہ سطح دوارکہ میں 443، نریلا میں 486، آیا نگر میں 436، ڈی ٹی یو میں 471، دلشاد گارڈن میں 462، آئی ٹی یو میں 460، جہانگیر پوری میں 491، لودھی روڈ میں 401،ہے۔
وہیں مندر مارگ میں 459، نجف گڑھ میں 458، روہینی میں 478 اور اوکھلا میں 4458، درج کیا گیا ہے۔
محکمہ موسمیات کی پیشن گوئی کے مطابق دہلی کے عوام کو فضائی آلودگی کی بڑھتی ہوئی سطح سے کچھ راحت تو ملے گی، حالانکہ اس راحت کے بعد بھی آلودگی برقرار رہے گی۔
اسی کے ساتھ ہی درجہ حرارت میں بھی مسلسل کمی ریکارڈ کی جارہی ہے، جو آلودگی کی سطح پر موزوں ہے۔
دارالحکومت میں کورونا وائرس کے ریکارڈ توڑ نئے معاملے اور آب و ہوا کے بری طرح آلودہ ہونے کے پیش نظر دہلی حکومت نے سکولز کو ابھی نہ کھولنے کا فیصلہ کیا ہے۔
