وزیراعظم مودی جے این یو کے آن لائن ایڈمن بلاک کے پاس بنے سوامی وویکانند کے مجسمے کی آج شام نقاب کشائی کریں گے۔
اس پروگرام کے تعلق سے وزیراعظم نریندر مودی نے ایک ٹویٹ کرتے ہوئے کہا ہے کہ جے این یو کیمپس میں سوامی وویکانند کے مجسمے کی آج شام 6:30 بجے بذریعہ ویڈیو کانفرنسنگ نقاب کشائی کریں گے۔
جے این یو میں سوامی وویکانند کا مجسمہ نصب کرنے کے لیے یونیورسٹی کے سابق طالب علم ڈاکٹر منوج کمار نے کافی جدو جہد کی ہے۔
انھوں نے اس تعلق سے بتایا کہ سنہ 2017 میں ایگزیکیوٹیو کاؤنسل کی ایک میٹنگ میں آخر کار یونیورسٹی احاطے میں سوامی وویکانند کے مجسمے کو نصب کرنے کی منظوری مل گئی تھی، اور سنہ 2019 میں یہ مجسمہ بن کر تیار ہوگیا تھا۔
واضح رہے کہ سوامی وویکانند کا مجسمہ یونیورسٹی احاطے میں جواہر لال نہرو کے مجسمے کے سامنے نصب ہے، اس کے علاوہ سوامی وویکانند کے مجسمے کی اونچائی 11.5 فٹ ہے جبکہ جواہر لال نہرو کے مجسمے کی اونچائی 3.5 فٹ ہے۔
نقاب کشائی کی اس تقریب کی وجہ سے یونیورسٹی میں سخت حفاظتی انتظامات کیے گئے ہیں۔
