سرکاری ذرائع سے موصولہ اطلاعات کے مطابق وزیراعظم کی پہلی میٹنگ صبح نو بجے ہوگی۔ اس میں کورونا وبا کی موجودہ صورتحال کا جائزہ لیا جائے گا۔ اس میٹنگ میں کون کون موجود ہوگا اس بارے میں ابھی تک کوئی اطلاع نہیں دی گئی ہے۔
وزیر اعظم کے دن کا دوسرا اجلاس صبح دس بجے ہوگا، جس میں وہ کورونا سے متاثرہ ریاستوں کے وزرائے اعلی سے گفتگو کریں گے اور موجودہ صورتحال کا جائزہ لیں گے۔
اس کے بعد وزیر اعظم ملک کے معروف آکسیجن مینوفیکچررز سے 12.30 بجے بات چیت کریں گے۔
اس سے پہلے وزیر اعظم نے ٹویٹ کیا تھا کہ ان ملاقاتوں کے پیش نظر انہوں نے اپنا مجوزہ دورہ مغربی بنگال منسوخ کردیا ہے۔ اب وہ انتخابی ریاست کے ووٹرز کو ڈیجیٹل میڈیم کے ذریعے خطاب کریں گے۔
واضح رہے کہ ملک میں کورونا کے معاملات میں تیزی سے اضافہ ہورہا ہے اور بہت سی ریاستوں میں آکسیجن کی کمی کے واقعات بھی سامنے آرہے ہیں۔
یہ بھی پڑھیں: کورونا کی دوسری لہر کا قہر جاری، نئے معاملوں کی تعداد تین لاکھ سے زیادہ
جمعرات کے روز ملک بھر میں میں کورونا کے 3.14 لاکھ سے زیادہ کیسز درج کئے گئے ہیں۔ اس کے ساتھ ہی متاثرہ افراد کی کل تعداد بڑھ کر ایک کروڑ 59 لاکھ 30 ہزار 965 ہوگئی ہے۔
