لداخ سرحد پر چین اور بھارت کے مابین تنازع پر راہل گاندھی گزشتہ کئی مہینوں سے نریندر مودی پر تنقید کررہے ہیں۔
کیرالہ کے وائناڈ کے رکن پارلیمان راہل گاندھی نے ہفتہ کے روز اپنے ٹوئٹر پر ایک ویڈیو شیئر کیا جس میں مبینہ طور پر بتایا گیا ہے کہ 'ٹرک کے اندر بیٹھے کچھ فوجی آپس میں بات کر رہے ہیں۔ ان میں سے ایک کا کہنا ہے کہ ’انہیں نان بلٹ پروف گاڑی میں بھیج کر ہماری زندگیوں کے ساتھ کھلواڑ کیا جارہا ہے'۔
راہل گاندھی نے ویڈیو کے ساتھ ٹوئٹ کیا کہ 'ہمارے فوجیوں کو نان بلٹ پروف ٹرکوں میں شہید ہونے کے لیے بھیجا جارہا ہے اور ہمارے وزیر اعظم کے لیے 8400 کروڑ روپے کے ہوائی جہاز! کیا یہ انصاف ہے؟'
راہل نے جمعرات کو بھی جہاز خریدی معاملہ پر وزیر اعظم پر تنقید کی تھی کہ وزیر اعظم کو صرف اپنی شبیہ کی فکر ہے۔ انہوں نے کہا تھا کہ وزیر اعظم نے اپنے لیے 8400 کروڑ کا طیارہ خریدا۔ اتنے میں سیاچن-لداخ بارڈر پر تعینات ہمارے فوجی جوانوں کے لیے کتنا کچھ خریدا جاسکتا تھا ۔ گرم لباس: 30،00،000 ، جیکٹس ، دستانے: 60،00،000 ،جوتے: 67،20،000 آکسیجن سلنڈر: 16،80،000۔
وزیر اعظم کو صرف اپنی شبیہ کی فکر ہے نہ کہ فوجیوں کی۔
