استاد غلام مصطفیٰ خان کے انتقال پر وزیراعظم نریندر مودی نے دکھ کا اظہار کیا اور ان کے اہل خانہ و مداحوں سے اظہار تعزیت کیا۔ انہوں نے ایک ٹوئٹ میں استاد غلام مصطفیٰ خان کی تعریف کرتے ہوئے کہا کہ ’وہ تخلیقی صلاحیتوں کے حامل تھے، جنہیں نسل در نسل لوگ یاد رکھیں گے اور ان کا انتقال ملک کی ثقافت کا عظیم نقصان ہے‘۔
وزیراعظم نے ٹوئٹ میں استاد غلام مصطفیٰ خان سے ملاقات کی یاد تازہ کرتے ہوئے انہیں موسیقی کی عظیم شخصیت بھی قرار دیا‘۔
استاد غلام مصطفیٰ خان 3 مارچ 1931 میں اترپردیش کے ضلع بدایوں میں پیدا ہوئے تھے۔ سنہ 2006 میں انہیں حکومت ہند نے پدم بھوشن اور 2018 میں پدم وبھوشن ایوارڈ سے سرفراز کیا تھا۔