وزیراعظم مودی نے آندھرپردیش کے ضلع کرنول میں پیش آئے سڑک حادثہ پر رنج و غم کا اظہار کیا اور زخمیوں کی جلد صحت یابی کے لئے نیک تمناوں کا اظہار کیا۔
وزیراعظم نے اپنے ٹوئیٹ میں کہا کہ ” کرنول میں پیش آئے سڑک حادثہ پر مجھے صدمہ ہوا ہے۔ اس صدمہ کی گھڑی میں میری ہمدریاں ان لوگوں کے ساتھ ہیں جو اپنے عزیزوں سے محروم ہوگئے ہیں“۔
کرنول میں بھیانک سڑک حادثہ، 14 افراد ہلاک
آندھراپردیش کے کرنول چتور سرحد پر مدن پلی سے درگاہ اجمیر شریف زیارت کیلئے جا رہے لوگوں کی گاڑی حادثے کا شکار ہو گئی۔ اس خطرناک حادثہ میں 14 افراد موقع پر ہی جاں بحق ہوگئے جن میں 8 خواتین، پانچ مرد اور ایک بچہ شامل ہے جبکہ دیگر چار بچے شدید زخمی ہوگئے۔
زخمیوں کو علاج کے لئے کرنول کے جی جی ایچ منتقل کر دیا گیا جہاں ایک لڑکے کی حالت تشویشناک بتائی جاتی ہے۔ حادثہ اتنا شدید تھا کہ وین کے پرخچے اڑ گئے۔
