پٹرول اور ڈیزل کی قیمتوں میں مسلسل 15 ویں روز بھی اضافہ

پٹرول اور ڈیزل کی قیمتوں میں اضافہ مسلسل 15 ویں روز بھی جاری ہے اور ڈیزل کی قیمت میں تیز اضافے کی وجہ سے ان دونوں ایندھنوں کی قیمتوں میں فرق ایک روپے سے بھی کم رہ گیا ہے۔

ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق دہلی میں آج پٹرول کی قیمت 35 پیسے اضافے کے ساتھ 79.23 روپے فی لیٹر ہوگئی، جو یکم نومبر سنہ 2018 کے بعد کی بلند ترین سطح ہے۔ ڈیزل کی قیمت میں 60 پیسے اضافے کے ساتھ یہ ایندھن ریکارڈ فی لیٹر 78.27 روپے میں فروخت ہو رہا ہے۔

پٹرول اور ڈیزل کی قیمتوں میں مسلسل 15 ویں روز بھی اضافہ

ملک میں 7 جون سے پٹرول اور ڈیزل کی قیمتوں میں مسلسل اضافہ ہو رہا ہے۔ گذشتہ 15 دنوں میں دہلی میں پٹرول 7.97 روپے یعنی 11.18 فیصد اور ڈیزل میں 8.88 روپے یعنی 12.80 فیصد مہنگا ہو چکا ہے۔

کولکاتہ میں پٹرول کی قیمت 33 پیسے اضافہ کے ساتھ 80.95 روپے، ممبئی میں 34 پیسے اضافہ کے ساتھ 86.04 روپے اور چنئی میں 31 پیسے اضافے کے ساتھ 82.58 روپے فی لیٹر ہوگئی۔

قیمتوں میں اضافہ جاری، پٹرول اور ڈیزل میں ایک روپے کا فرق

ڈیزل 54 پیسے اضافہ سے کولکاتہ میں 73.61 روپے، ممبئی میں 58 پیسے، 76.69 روپے اور چنئی میں 51 پیسے اضافے سے 75.80 روپے فی لیٹر پر پہنچ گیا ہے۔

ملک کے چار بڑے شہروں میں پٹرول اور ڈیزل کی قیمت اس طرح ہے:

شہر ----------------- پٹرول -------------------------- ڈیزل

دہلی ------------- 79.23 (+0.35) -------- 78.27 (+0.60)

کولکتہ ------------ 80.95 (+0.33) ------- 73.61 (+0.54)

ممبئی ------------ 86.04 (+0.34) ------- 76.69 (+0.58)

چنئی ------------- 82.58 (+0.31) ------- 75.80 (+0.51)