پٹرول اور ڈیزل کی ریکارڈ قیمتیں ساتویں دن بھی مستحکم

بین الاقوامی بازار میں تیل کی قیمتوں میں زبردست گراوٹ کے باوجود بھی گھریلو سطح پر پٹرول اور ڈیزل کی قیمتوں میں کوئی تبدیلی نہیں ہوئی ہے۔

نئی دہلی: بین الاقوامی بازار میں تیل کی قیمتوں میں زبردست گراوٹ کے باوجود سرکاری تیل کی مارکیٹنگ کمپنیوں نے آج گھریلو سطح پر پٹرول اور ڈیزل کی قیمتوں میں کوئی تبدیلی نہیں کی ہے، جس سے پٹرول اور ڈیزل کی قیمتوں میں کوئی کمی بیشی نہیں ہوئی اور دارالحکومت دہلی میں ڈیزل کی قیمت ساتویں دن بھی مستحکم رہی۔

مرکزی حکومت کی طرف سے پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے فی لیٹر کی کمی سے ملک میں اس کی قیمتوں میں کمی آئی ہے۔ اس کے بعد اتر پردیش، کرناٹک سمیت ملک کی 22 ریاستوں اور مرکز کے زیر انتظام علاقوں نے ان دونوں مصنوعات پر ویلیو ایڈڈ ٹیکس (وی اے ٹی ) کو کم کر دیا ہے۔ اس سے متعلقہ ریاستوں میں ان دونوں پٹرولیم مصنوعات کی قیمتوں میں مزید کمی آئی ہے۔ اس کا اثر پٹرول اور ڈیزل کی قیمتوں پر آج بھی برقرار ہے۔

بین الاقوامی مارکیٹ میں منگل کو برینٹ کروڈ کی قیمت 85 ڈالر فی بیرل تک پہنچ گئی تھی تاہم بدھ کو اس کی قیمت میں زبردست کمی دیکھنے میں آئی۔ بدھ کو ساتویں دن گھریلو بازار میں پٹرول اور ڈیزل کی قیمتوں میں کوئی تبدیلی نہیں ہوئی ہے۔

دارالحکومت دہلی میں ملک کی سب سے بڑی آئل مارکیٹنگ کمپنی انڈین آئل کارپوریشن لمیٹیڈ (آئی او سی ایل ) کے پمپ پر آج پٹرول 103.87 روپے فی لیٹر اور ڈیزل 86.67 روپے فی لیٹر فروخت ہورہی ہے۔

واضح رہے کہ پٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتیں ہر روز صبح 6 بجے سے لاگو ہوتی ہیں۔

آج ملک کے چار بڑے میٹرو میں پٹرول اور ڈیزل کی قیمتیں کچھ اس طرح سے ہیں۔

شہر کا نام——پیٹرول (روپے/لیٹر)—(ڈیزل روپے/لیٹر)

دہلی ——— 103.87-————— 86.67

ممبئی-——109.98—————— 94.14

چنئی ——101.40 —————— 91.43

کولکتہ —104.67——————-89.79

یواین آئی۔