کرفیو کے دوران شراب خریدنے نکلا شخص، کہا اگر شراب خریدوں گا تو حکومت کو ٹیکس ملے گا

دارالحکومت دہلی میں کورونا کے بڑھتے معاملات کے پیش نظر ویک اینڈ کرفیو لگایا گیا، اسی دوران سڑک پر نکلے ایک شخص سے پولیس نے باہر نکلنے کی وجہ پوچھی تو اس نے کہا کہ وہ شراب خریدنے جارہا ہے، جس سے حکومت کو ٹیکس ملے گا۔

دہلی میں کرفیو کے دوران بھی کئی لوگ بلا ضرورت باہر نکلنے سے گریز نہیں کررہے ہیں، ایسے ہی کئی لوگوں کا ویڈیو ساؤتھ ایسٹ کے ڈی سی پی کی جانب سے جاری کی گئی ہے، جس میں باہر گھومنے والے افراد پولیس کے سامنے باہر نکلنے کے بہانے بناتے ہوئے نظر آئے۔

وہیں ایک شخص باہر نکلنے کی وجہ سے شراب خریدنا بتایا اور کہا کہ اس سے حکومت کو ٹیکس ملے گا۔

ویک اینڈ کرفیو کے دوران جہاں کئی لوگ ضرورت کے مطابق باہر نکلے وہیں کئی لوگ بلاضرورت باہر نکلے۔جب پولیس نے ان کو روک کر پوچھ گچھ کی تو طرح طرح کے بہانے تو کچھ لوگ پولیس سے بحث کرتے ہوئے دیکھائی دیئے۔