دہلی کے وزیراعلی اروندکیجریوال نے کہا کہ قومی دارالحکومت میں ہوم آئسولیشن میں رہ رہے اور میڈیکل آکسیجن کے ضرورت مندوں کے لیے آکسجین کنسنٹریٹرس بینک قائم کیے گئے ہیں۔
کیجریوال نے سنیچر کو ڈیجیٹل پریس کانفرنس سے خطاب کرتے ہوئے کہا کہ دہلی کے ہر ایک ضلع میں 200 آکسیجن کنسنٹریٹر کے ساتھ آکسیجن بینک ہیں۔ انہوں نے کہا کہ اگر ہوم آئسولیشن والے مریضوں کو میڈیکل آکسیجن کی ضرورت پڑتی ہے تو ہماری ٹیم دو گھنٹے کے اندر آکسیجن کنسنٹریٹر کے ساتھ ان کے دروازے پر پہنچے گی۔
یہ بھی پڑھیں: 'بھارت میں کورونا وائرس کی صورت حال تشویش ناک'
انہوں نے کہا کہ دہلی میں گذشتہ چوبیس گھنٹوں کے دوران کورونا کے تقریباً 6500 فعال معاملات کم ہوئے ہیں اور ان کی شرح کم ہو کر 11 فیصد رہ گئی ہے۔
