دہلی کے علاقے کی خراب آلودہ فضا سے نمٹنے کے لیے حکومت آلودگی پر قابوپانے پر ناکام رہنے والے افسران پر نجی طور سے جرمانہ عائد کرنے اور عدالتی کارروائی کرنے اور آئندہ برس اگست تک سبھی سڑکوں سے دھول ختم کرنے کا فیصلہ کیا ہے۔
ماحولیات کے سکریٹری سی کے مشرا نے وزارت ماحولیات، مرکزی انسداد آلودگی بورڈ، دہلی، ہریانہ، پنجاب اور اترپردیش کے افسران کے ساتھ جائزہ میٹنگ کے بعد اس بات کی اطلاع دی۔
انہوں نے بتایا کہ یہ پہلی مرتبہ ہے کہ جب آلودگی روکنے میں ناکام رہنے پر محکموں کے بجائے براہ راست افسران پر جرمانے عائد کرنے کا فیصلہ کیا گیا ہے۔
انہوں نے کہا کہ ساتھ ہی افسران سے یہ بھی پوچھا جائے گا کہ ان کے خلاف قانونی چارہ جوئی کی کارروائی کیوں نہ شروع کی جائے۔
خیال رہے کہ گزشتہ برس محکموں کی ذمہ داری طے کرکے ان پر جرمانہ لگانے کی شروعات کی گئی تھی، مسٹر مشرا نے بتایا کہ اگلے 15 دن تک مہم چلاکر سختی سے آلودگی پر قابو پانے کے لیے اعلان شدہ طریقوں کا نفاذ کیا جائے گا، اور اس دوران جو طریقے موثر پائے جائیں گے انہیں 31 دسمبر تک جاری رکھا جائے گا۔
انہوں نے کہا کہ اس میٹنگ میں ایک اور اہم فیصلہ کیا گیا ہے کہ اگلے برس اگست تک دہلی، فریدآباد، غازی آباد، نوئیڈا اور گڑگاؤں کی سبھی سڑکوں سے دھول صاف کیے جائیں گے، جن سڑکوں کے کنارے دھول ہیں وہاں یا تو پیومینٹ بنائے جائیں گے یا پیڑ پودے لگائے جائیں گے۔
