ریاست دہلی کے اتم نگر واقع مونی انٹرنیشنل اسکول پہنچے پما نے کہا کہ یہ آن لائن گیمز بچوں کی صحت کے ساتھ نفسیاتی طور پرنقصان پہنچا رہے ہیں اور بچے انجانے طورپرموت کے منھ میں جارہے ہیں۔
اس موقع پر اسکول کے بانی ڈاکٹراشوك کمار ٹھاکر سمیت سینکڑوں بچے بھی موجود تھے۔
مونی انٹرنیشنل اسکول کے بانی ڈاکٹر اشوک کمار ٹھاکر نے بتایا کہ ان کے اسکول میں پبجی ، بلیووہیل جیسے گیمزکے بارے میں طلبا ان کے سرپرستوں اور والدین کو کئی بار آگاہ کیا جا چکا ہے۔
مسٹر ٹھاکر نے کہاکہ پرم جیت سنگھ پما کی جانب سے شروع کی گئی آن لائن گیمزکے خلاف مہیم میں ہمارے اسکول کا ہر بچہ تعاون کرے گا۔ طلبا کو سمجھایا جائے گا کہ وہ اپنے گھروں کے ارد گرد اپنے رشتہ داروں کو اور بچوں کو بليوو ہیل، پبجی جیسے آن لائن گیمز کے خطرناک اورمنفی نتائج کے بارے میں بتائیں گے اور بچوں کو ان گیمزسے دور رہنے کے لئے بیدار کریں گے۔
اس موقع پر پرم جیت سنگھ پمما نے طلبا سے خطاب کرتے ہوئے کہاکہ آن لائن کھیل بچوں کا مستقبل بگاڑ رہے ہیں۔ آن لائن کھیل آج نوجوانوں کے درمیان ایک نشے کی طرح بڑھ رہیں ، جسے وقت رہتے ہمیں روکنا ہوگا۔ جس کے لئے ہمیں جگہ جگہ جاکر بچوں اور والدین کو بیدار کرنے کی ضرورت ہے۔ آج آیے دن ہمیں خبروں میں سننے کو ملتا ہے کہ پبجي جیسے گیمز کی وجہ سے کئی بچےلقمہ اجل بن چکے ہیں اور کچھ بچے اپنے خاندان کے ساتھ بہت غلط سلوک کر رہے ہیں۔
مسٹر پمما نے بتایا کہ مونی انٹرنیشنل اسکول سے شروع کی گئی اس مہم میں ہم ملک بھر كے اسکولوں اور سماجی اداروں کا بھی تعاون حاصل کر کے ملک گیربیداری مہم چلائیں گے۔ ساتھ ہی حکومت ہند سے اپیل کریں گے کہ وہ جلد سے جلد اس قسم کے گیمز کوبینڈ کریں، تاکہ ہمارے بچوں کی زندگی سے کھلواڑ نہ ہو۔
مونی اسکول کے دورے پر آئے پرم جیت سنگھ پما کے ساتھ نیشنل اکالی دل کی سیکرٹری جنرلبندیا ملہوترا ،خاتون ونگ کی قومی صدربھاونا دھون نائب صدر رشميت کور و رشمی سمیت کئی لوگ موجود تھے۔ اسکول پہنچنے پر تمام مہمانوں کا روایتی طور پر خیر مقدم کیا گیا۔
