ایڈیشنل سیشن جج دھرمیندر رانا نے 3 مارچ کو صبح 6 بجے پھانسی دینے کا حکم جاری کیا ہے۔
سماعت کے دوران تہاڑ جیل انتظامیہ نے کورٹ کو اسٹیٹس رپورٹ سونپی ہے۔ سرکاری وکیل راجیو موہن نے کورٹ کو بتایا کہ چار مجرموں میں سے 3 نے بھی قانونی اختیارات کو آزما لیا ہے۔
آج کی تاریخ میں کوئی بھی عرضی زیر التواء نہیں ہے، دہلی ہائی کورٹ نے مجرموں کو سات دن کا وقت دیا تھا۔راجیو موہن نے سپریم کورٹ کے فیصلے کی بھی معلومات کورٹ کو دی۔
انہوں نے کہا کہ دہلی جیل کے قانون کے مطابق رحم کی درخواست مسترد کیےجانے کے بعد جیل انتظامیہ کو ڈیتھ وارنٹ کے لیے کورٹ میں عرضی دائر کرنا ہوتا ہے، اس لیے جیل انتظامیہ نے یہ عرضی دائر کی ہے۔ سپریم کورٹ نے بھی کہا کہ ٹرائل کورٹ میرٹ کی بنیاد پر فیصلہ کرسکتا ہے۔
واضح رہے کہ گذشتہ 5 فروری کو دہلی ہائی کورٹ نے کہا تھا کہ نربھیا کے مجرموں کو الگ الگ پھانسی نہیں دی جاسکتی ہے، ہائی کورٹ نے کہا تھا کہ نربھیا کے مجرمین قانون کا غلط استعمال کرکے دیر کررہے ہیں۔
ہائی کورٹ نے نربھیا کے مجرموں کو سات دنوں کے اندر قانونی اختیارات آزمانے کی ہدایت دی تھی۔ہائی کورٹ نے کہا تھا کہ ڈیتھ وارنٹ کافی پہلے جاری ہوجانا چاہیے تھا، جیل انتظامیہ نے لاپروائی برتی۔
