دارالحکومت دہلی میں منی لانڈرنگ کے الزام میں کانگریس رہنما ڈی کے شیوکمار کی ماں اور ان کی اہلیہ کے خلاف ایک پیٹیشن انفورسمنٹ ڈائریکٹوریٹ (ای ڈی) کی جانب سے دائر کی گئی تھی، جس کی سماعت اب چار نومبر کو کی جائے گی۔
دوسری جانب ڈی کے شیو کمار کی ماں اور ان کی اہلیہ کا کہنا ہے کہ انہیں ای ڈی کی جانب سے کوئی سمن نہیں ملا ہے، ان کا کہنا تھا کہ پہلے سماعت کے دوران ای ڈی نے کہا تھا کہ تفتیش ابھی جاری ہے اس لیے کوئی نیا سمن جاری نہیں کیا جائے گا۔
واضح رہے کہ 16 اکتوبر کو دہلی ہائی کورٹ نے ڈی کے شیوکمار کی ماں اور ان کی اہلیہ سے پوچھ گچھ کے لیے ای ڈی کے سمن پر روک لگادی تھی۔
وہیں دوسی جانب ڈی کے شیوکمار کی ماں گورمّا اور ان کی اہلیہ اُشا شیوکمار نے ای ڈی کی جانب سے جاری کی گئی سمن کو خارج کرنے کی درخواست کی تھی۔
خیال رہے کہ دہلی میں دونوں کو 17 اکتوبر کو ای ڈی کے دفتر میں پوچھ گچھ کے لیے سمن جاری کیا تھا، جبکہ ای ڈی نے اس قبل ڈی کے شیوکمار کی بیٹی ایشوریا سے پوچھ گچھ کرچکی ہے۔
بیٹی کے علاوہ ای ڈی شیومار کے بھائی اوررکن پارلیمان سریش اور رکن اسمبلی لکشمی ہیبالکر سے پوچھ گچھ کرچکی ہے، جبکہ ہائی کورٹ نے ڈی کے شیوکمار کو 23 اکتوبر کوہی ضمانت سی چکی ہے، جبکہ شیوکمار کو ای ڈی کے تین ستمبر کو حراست میں لیا تھا۔
