نئے وزرا کو سخت محنت کر کے اپنے شعبوں میں ماسٹر ہونا چاہئے: نائیڈو

نائب صدر جمہوریہ ایم وینکیا نائیڈو نے نئے وزرا کو مشورہ دیا ہے کہ وہ سخت محنت کریں اور اپنے اپنے شعبوں میں ماسٹر بنیں۔

نائب صدر جمہوریہ نائیڈو نے پیر کو یہاں بتایا کہ پارلیمنٹ کا مانسون اجلاس نئے وزرا کے لئے پارلیمنٹ کے طریقہ کار سیکھنے کا ایک بہترین موقع ہے۔

انہوں نے بتایا کہ نئے وزرا کو اپنی اپنی وزارتوں کے کام کو محتاط طریقے سے سمجھنا چاہئے اور انہیں سخت محنت کرنا چاہئے۔ اس کی مدد سے تمام وزرا اپنے اپنے شعبوں میں جانکاری حاصل کرسکیں گے۔

مرکزی کابینہ میں 43 وزراء کو نئے قلمدان دیئے گئے ہیں۔ ان میں سے بیشتر پہلی بار مرکزی حکومت میں وزیر بنے ہیں۔ پارلیمنٹ کا یہ پہلا اجلاس ہے۔ گذشتہ تین دنوں میں تقریبا 40 نئے وزرا نے مسٹر نائیڈو سے غیر رسمی ملاقات کی ہے۔

یو این آئی