دہلی میونسپل کونسل کے صدر دھرمیندر نے بلدیہ کونسل کے بجٹ 2020 میں پریزنٹیشن کے بعد منعقدہ پریس کانفرنس میں کہا کہ 'ہم اقوام متحدہ کے ترقیاتی پروگرام کی پائیدار ترقی کے لئے طے شدہ اہداف کو ضم کرتے ہوئے مجموعی مقاصد کے حصول کے لئے ان پر کام کرنے کا ارادہ رکھتے ہیں۔'
2020-21 کل بجٹ کا تخمینہ (رسال) تخمینہ 4372.40کروڑ ہے جبکہ ترمیم شدہ تخمینہ 4264.59کروڑ رکھے گئے ہیں۔
سنہ 2018-19 میں کل اصل رسیدیں 3976.32 کروڑ روپے تھیں۔ سنہ 2020-21 میں محصولات کی رسیدیں 3719.65 کروڑ روپئے ہیں، جبکہ نظرثانی شدہ تخمینہ سنہ 2019-20 میں 3606.89 کروڑ روپے ہے اور سنہ 2018-19 میں اصل وصولی 3322.72 کروڑ روپے ہے۔
کونسل کے بجٹ 2020 میں پریزنٹیشن کے بعد منعقدہ پریس کانفرنس میں چیئرمین نے کہا کہ 'شہریوں کو بہتر خدمات کی فراہمی کے لئے انفارمیشن ٹکنالوجی پر مبنی متعدد اسکیمیں پہلے ہی عمل میں لائی جا رہی ہیں۔ عوامی بیت الخلا کے لئے کیو آر کوڈ پر مبنی ری ایکشن سسٹم شامل ہے۔ اب 4000 سے زیادہ درختوں کو لودھی گارڈن میں شامل کرنے کی تجویز ہے۔ کونسل اب سمارٹ ای اسکوٹر سسٹم کو نافذ کرنے جا رہی ہے اور اس کا پہلا مرحلہ جون 2020 تک مکمل ہو جائے گا۔'
انہوں نے بتایا کہ 'بس کیو شیلٹرز 20 مقامات پر پی پی پی ماڈل کے تحت تعمیر کیے جائیں گے جس میں مالی سنہ 2020-21 میں واٹر اے ٹی ایم، ڈیجیٹل اینٹریکٹیو پینل اور پینک بٹن جیسی سہولیات میسر ہوں گی۔ سنہ 2020-21 کے دوران خصوصی بیت الخلاء بنائے جائیں گے جو خواتین کے لئے وقف کیے جائیں گے۔'
انہوں نے کہا کہ 'پالیکا اسکولوں میں باسکٹ بال، والی بال اور دیگر کھیلوں کے لئے کیمپس کی تعمیر مارچ 2020 تک مکمل ہوجائے گی۔ لودھی روڈ میں ورلڈ کلاس اسکول کی عمارت تعمیر کرنے کا منصوبہ ہے جو 2020-21 میں شروع ہو جائے گا۔ کونسل نے ایسی 13 عمارتوں کا انتخاب کیا ہے ، جہاں چھت پر مبنی بارش کے پانی کو جمع کرنے کی اسکیم نافذ کی جائے گی۔ پنچکوئہ روڈ پر واقع باپو سماج سیوا کیندر کی بحالی کا کام بھی مالی سال 2020-21 میں مکمل ہوگا ، پچھلی تمام سرگرمیوں کے علاوہ گاندھی جی کی زندگی پر مبنی ایک جدید لائبریری اور میوزیم اور گیلری بھی قائم کرنے کی تجویز ہے۔'
انہوں نے مزید بتایا کہ 'کونسل نے 15 کلو واٹ صلاحیت والے ای وہیکل چارجنگ اسٹیشن قائم کیے ہیں اور ایک بار میں 3 گاڑیوں کو چارج کرنے کے لئے 150 کلو واٹ کی گنجائش والے ایسے مزید 100 ایسے اسٹیشن بنانے کی تجویز ہے۔ ثانوی اور اعلی ثانوی اسکولوں میں وائی فائی پر مبنی ٹیبلٹ بیس کلاس رومز کا قیام اور فائبر پر مبنی انٹرنیٹ رابطے کی تجویز بھی بجٹ 2020-21 میں تجویز کی گئی ہے۔ 42 اسکولوں میں گرم مڈ ڈے کھانے کی فراہمی کے لئے 3 کچن بنانے کی بھی تجویز ہے۔ اس مالی سال میں 5 اسکولوں میں سائیکل کلب بنانے کی تجویز کی جارہی ہے ۔ہر اسکول کو 20 سائیکل مہیا کیے جائیں گے۔'
