ملک کے ممتاز صنعت کاروں میں سے ایک متھوٹ گروپ کے بانی ایم جی جارج متھوٹ گھر میں پھسلنے کے بعد انتقال کر گئے ہیں۔
واقعہ جمعہ کی رات کا ہے۔ جب وہ مشرقی کیلاش (دہلی) میں اپنے گھر کی چوتھی منزل پر ٹہل رہے تھے۔ اس دوران وہ گر گئے جس کی وجہ سے وہ زخمی ہوگئے۔ اس کے بعد انہیں فورٹیس ہسپتال میں داخل کرایا گیا جہاں علاج کے دوران وہ دم توڑ گئے۔
جنوب مشرقی دہلی کے ڈپٹی کمشنر پولیس، راجیندر پرساد مینا نے بتایا کہ جمعہ کی رات تقریبا 9 نو بجے، فورٹیس ہسپتال نے امَر کالونی پولیس اسٹیشن کو 72 سالہ ایم جی جارج متھوٹ کی بھرتی اور ان کی موت کے بارے میں بتایا۔ اطلاع ملنے پر پولیس ٹیم نے واقعے کی جگہ کا معائنہ کیا۔ اس دوران گھر میں سی سی ٹی وی فوٹیج میں کوئی مشکوک واقعہ نہیں پایا گیا ہے۔
ڈپٹی کمشنر پولیس نے بتایا کہ ہفتے کے روز ایمس ہسپتال میں پوسٹ مارٹم کیا گیا اور لاش لواحقین کے حوالے کردی گئی ہے۔
بتادیں کہ متھوٹ گروپ ملک کا ایک مشہور گروپ ہے۔ متھوٹ گروپ کی ملک میں 5500 کے قریب شاخیں ہیں۔ ایم جی جارج متھوٹ 2 مارچ 1949 کو کیرالہ میں پیدا ہوئے تھے، ان کا شمار ملک کے امیر افراد میں ہوتا تھا۔
