گزشتہ روز سپریم کورٹ کی ہدایت پر دہلی کی ایک مندر کو توڑنے کا حکم دیا گیا تھا جس کے خلاف دلتوں نے احتجاج کیا اس احتجاجی مظاہرے میں مسلم طبقہ کے کئی افراد نے شرکت کی۔
سخت پہرے میں جامعہ ہمدرد روڈ سے روی داس مندر تک ایک مارچ کیا گیا جس میں دلت سماج کے علاوہ مسلمانوں نے بھی بڑی تعداد میں شرکت کی۔
اس مارچ میں ایڈوکیٹ محمود پراچہ، بہادر عباس نقوی، ٹیلہ والی مسجد امام مولانا عبدالمنان اور مولانا عبدالمالک اپنے حامیوں کے ساتھ شامل ہوئے۔
مظاہرین نے مطالبہ کیا کہ مندر کی از سر نو تعمیر کی جائے اور مندر کے حق میں مظاہرے کے دوران گرفتار کئے گئے بھیم آرمی کے کارکنان کو رہا کیا جائے۔
واضح ہو کہ دہلی ڈیولپمنٹ اتھارٹی نے حال ہی میں سیںکڑوں برس پرانے ایک مندر کو عدالت عظمی کی ہدایت کے بعد منہدم کر دیا تھا، جس کے بعد ملک کے کئی حصوں میں دلتوں نے مظاہرہ کیا تھا۔
