نئی دہلی: قومی راجدھانی دہلی میں آذربائیجان کے سفارت خانے میں ایک کانفرنس کا اہتمام کیا گیا، جس میں آذربائیجان کے سفیر برائے ہند ڈاکٹر اشرف شیخالیف نے آذربائیجان کے مختلف اداروں، انٹرنیشنل چیمبر آف میڈیا اینڈ انٹرٹینمنٹ کے ساتھ وابستگی کے لیے ہندوستانی تنظیموں کو تجویز کیا۔ اس موقع پر انٹر نیشنل چیمبر آف کامرس کے صدر سندیپ ماروا کو خصوصی طور پر مدعو کیا گیا جو اپنی تنظیم انڈو آذربائیجان فلم اینڈ کلچرل فورم کے ذریعے دونوں ممالک کے درمیان تعلقات کو فروغ دینے کے لیے تعلیمی اداروں کے ساتھ ساتھ آذربائیجانی فلم، ٹی وی اور میڈیا کمپنیوں کے ساتھ مل کر کام کرنے اور ہاتھ ملانے کے لیے تیار ہیں۔ Movies always Act as a link Dr Ashraf Sheikhalif
یہ بھی پڑھیں:
اس موقع پر سندیپ ماروا نے کہا کہ ICMEI اور IAFCF مل کر ہندوستانی فلمسازوں کی توجہ آذربائیجان کے مقامات کی طرف مبذول کرائیں گے، تاکہ ہندوستانی پروڈیوسرز اور ہدایت کار اپنی فلموں کی شوٹنگ آذربائیجان میں کریں، جہاں انہیں کافی سہولیات میسر ہوں گی، ساتھ ہی اس سے ہم ایک دوسرے کی فلمی تکنیک سیکھیں گے، دونوں ممالک کے درمیان سیاحت کو بھی فروغ ملے گا اور لوگوں کو روزگار بھی ملے گا۔ اسی طرح ہم آذربائیجان کے سفارت خانے کے تعاون سے ایک روڈ شو کرنے کا منصوبہ بنا رہے ہیں، جس میں دونوں ممالک کی بہترین فلمیں دکھائی جائیں گی، تاکہ ہم ایک دوسرے کی ثقافت سے بھی آگاہ ہو سکیں۔ اشرف شیخالیف نے کہا کہ میں ICMEI ٹیم کی سرگرمیوں سے واقف ہوں، لہٰذا ہم بہت جلد اس پر کام شروع کر دیں گے۔
