وزیراعظم دورے کے دوران اٹلی اور برطانیہ کے وزرائے اعظم کے ساتھ دوطرفہ بات چیت بھی کریں گے۔
ذرائع نے بتایا کہ دورے کے پہلے مرحلے میں وہ 29 سے 31 اکتوبر تک اٹلی میں ہوں گے، جہاں وہ 30 اور 31 اکتوبر کو منعقد ہونے والے جی- 20 سربراہی اجلاس میں شرکت کریں گے، جہاں ان کی اطالوی وزیر اعظم سے دوطرفہ ملاقات کا بھی امکان ہے۔ یہ کووڈ کی عالمی وباء کے بعد جی-20 کی پہلی براہ راست میٹنگ ہوگی۔
یہ بھی پڑھیں: 'سو کروڑ ویکسین کی خوراک کوئی اعداد و شمار نہیں، بلکہ ایک نئے باب کا آغاز ہے'
اطلاعات کے مطابق اٹلی کے بعد مودی 31 اکتوبر کو برطانیہ کا دورہ کریں گے اور گلاسگو، اسکاٹ لینڈ میں منعقد ہونے والی موسمیاتی تبدیلی کی COP-26 میں شرکت کریں گے۔ مودی اس دوران برطانوی وزیراعظم بورس جانسن کے ساتھ دو طرفہ بات چیت بھی کریں گے۔ برطانیہ کے وزیر خارجہ لز ٹروس مودی کے دورے کی تیاری کے سلسلے میں یہاں ہندوستان کے دورے پر ہیں۔
یو این آئی
