ایم سی ڈی کے افسر راجیش کمار نے بتایا کہ انہیں ہدایت دی گئی ہے کہ دہلی میں الگ-الگ جگہوں سے جو لوگ بیرونی ممالک سے آکر رہ رہے ہیں، ان کے گھروں کا کوڑا اکٹھا کیا جائے اور اسے لیب میں پہنچایا جائے۔ اسی لیے ایم سی ڈی کے ملازمین کالی تھیلی میں کوڑے کو اکٹھا کر لیب میں پہنچا رہے ہیں۔
دہلی کے مقامی لوگوں کا کہنا ہے کہ ایم سی ڈی کی جانب سے اٹھایا گیا یہ قدم بہتر ہے۔ حکومت کی جانب سے کورونا وائرس کو روکنے کے لیے حکومت جو بھی اقدامات کر رہی ہے بہتر ہے۔ لوگوں کا ماننا ہے کہ لوگوں کو گھر پر رہنا چاہیے اور سماجی دوری احتیار کرنی چآہیے۔
خیال رہے کہ دنیا بھر میں کورونا وائرس سے اب تک آٹھ لاکھ سے زائد افراد متاثر ہیں۔ کورونا وائرس سے دنیا بھر میں 43 ہزار سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے تقریبا ڈیڑھ لاکھ افراد ٹھیک ہو چکے ہیں۔
بھارت میں کورونا وائرس سے 1700 سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 54 ہو چکی ہے۔ کورونا وائرس سے متاثر افراد میں سے 158 ٹھیک ہو چکے ہیں۔
