دہلی میں مختلف ٹرانسپورٹ یونین بڑھتے ہوئےجرمانہ اور آر ایف آئی ڈی ٹیگ قانون کے خلاف احتجاجی مظاہرہ کریں گے۔اس دوران ہونے والے احتجاج اور حفاظتی وجوہات کے تعلق سے اسکول بند رکھنے کا فیصلہ کیا گیا ہے۔
واضح رہے کہ دہلی میں آج سبھی آٹو اور ٹیکسی احتجاج کریں گے۔جسے اولا اور اوبر ڈرائیور یونین کی بھی حمایت حاصل ہے۔ساتھ ہی آٹو یونین کے اراکین کا کہنا ہےکہ نجی اسکول اور بس کے ڈرائیور بھی احتجاجی مظاہرے میں شامل رہیں گے۔
وہیں کئی اسکولوں نے جمعرات کو ہونے والے امتحانات کو بھی معطل کردیا ہے۔حالانکہ یونین کے صدر کا کہنا ہے کہ اس احتجاج میں کسی بھی قسم شدید کارکردگی کا مظاہرہ نہیں کیا جائے گا۔
واضح رہے کہ گزشتہ مہینے وزارت روڈ ٹرانسپورٹ اور ہائی وے نے موٹر وہیکل ایکٹ میں ترمیم کیا تھا جس کے بعد اسے 1 ستمبر سے بھارت کے متعدد ریاستوں میں نافذ کردیا گیا۔
اس نئے موٹر وہیکل ایکٹ میں ٹریفک قوانین کے خلاف ورزی کرنے والوں کے جرمانہ میں اضافہ کیا گیا ہے، تب سے ملک کے مختلف ریاستوں میں ٹریفک قوانین کی خلاف ورزی کرنے والوں کو مستقل طور پر بھاری جرمانہ ادا کرنا پڑ رہا ہے۔
