راجیہ سبھا کے چیئرمین ایم وینکیانائیڈو نے ایوان کی کارروائی شروع ہونے کے بعد کہا کہ آج پانی کا عالمی دن ہے جو پانی کے تحفظ کو بڑھاوا دینے کا عہد ظاہر کرتا ہے۔ انہوں نے بارش کے پانی کا تحفظ کئے جانے پر زور دیتے ہوئے کہا کہ پانی کو کسی بھی صورت میں برباد نہیں کیا جانا چاہیے۔ انہوں نے ارکان پارلیمنٹ کو پانی کے تحفظ کو فروغ دینے اور اس کے تحفط کے لئے لوگوں میں بیداری پیدا کرنے کی اپیل کی ہے۔
انہوں نے کہا کہ ویدوں میں پانی کی اہمیت بیان کی گئی ہے۔ ندیوں اور تمام آبی ذرائع کا تحفظ ضروری ہے۔ انہوں نے کہا کہ ملک میں مسلسل آبادی بڑھ رہی ہے۔ دنیا کی آبادی کے 16 فیصد لوگ بھارت میں رہتے ہیں اور دنیا میں پانی کی دستیابی کا صرف چار فیصد حصہ ملک میں ہے۔
انہوں نے پانی کے عالمی دن کے موقع پر سبھی لوگوں سے پانی کے تحفظ کا عہد کرنے کی اپیل کرتے ہوئے کہا کہ پانی کا جائز استعمال کیا جانا چاہیے، جس سے آنے والی نسلوں کو اس اہم وسیلے سے محروم نہ ہونا پڑے۔ انہوں نے کہا کہ لوگ اپنی زندگی میں پانی کی ضرورت پر غور کریں اور زندگی کی ضرورتوں کو اس محدود قدرتی وسیلے کے ذریعہ صحیح استعمال کا عزم کریں۔ آئندہ نسلوں کے لئے پانی کا تحفظ کریں، اس کا ہر قطرہ بیش قیمت ہے۔
یو این آئی
