گزشتہ روز جامعہ نگر کے مختلف علاقوں میں امان اللہ خان کی گرفتاری کے خلاف بند منایا گیا۔ اس دوران شاہین باغ اور بٹلہ ہاؤس ،جوگابائی ایکسٹینشن وغیرہ علاقوں میں عام آدمی پارٹی کے کارکنان نے گلی ومحلے میں گھوم گھوم کر دکانیں بند کرائیں ۔ویسے بھی جمعہ اور گرمی زیادہ ہونے کی وجہ سے لوگ دکانیں تاخیر سے کھولتے ہیں لیکن اسمبلی امانت اللہ خاں کی گرفتاری کی وجہ سے مزید لوگوں نے احتجاجاً دکانیں بند رکھیں ۔ وارڈ نمبر102ایس کے وارڈ کونسلرواجد خاں نے اپنے حامیوں کے ساتھ شاہین باغ اور ابوالفضل میںدورہ کرکے بند دکانوں کا معائنہ کیا۔ Local Markets Shut To Protest AAP MLA's Arrest
اس موقع پر واجد خاں نے ای ٹی وی بھارت سے بات کرتے ہوئے کہا کہ ایک سازش کے تحت امانت اللہ خاں کو گرفتار کیا گیا ہے، وہ عوام کے مسائل پر آواز اٹھانے والے لیڈر ہیں یہی وجہ ہے کہ ان کے مخالف خاص کرکے بی جے پی ہمیشہ ان کے خلاف رہتی ہے۔ واجد خاں نے کہا کہ کل جس طرح سے کنچن کنج میں غریبو کے مکانات گرائے گئے ہیں وہ افسوسناک ہے۔ امانت اللہ خاں غریبوں کے مکانات بچانے کے لیے کنچن کنج گئے تھے لیکن دہلی پولیس نے اپنے آقاؤں کے اشارے پر اوکھلا اسمبلی حلقہ کے رکن اسمبلی امانت اللہ خاں کو حراست میں لیا اور بعد میں انہیں تہاڑ جیل بھیج دیا جسے اوکھلا کے غریب عوام قطعی برداشت نہیں کرے گی۔
یہ بھی پڑھیں:
واضح رہے کہ 12 مئی کو شاہین باغ سے متصل مدن پور کھادر میں جنوبی دہلی میونسپل کارپوریشن کی جانب سے انہدامی کارروائی کی جارہی تھی۔ اس کی اطلاع ملتے ہی علاقے کے رکن اسمبلی امانت اللہ خاں موقع پر پہنچ گئے اوربلڈنگ کو توڑنے پر اعتراض کیا اس دوران پتھراؤ بھی ہوئی پولیس نے لاٹھی چارج کیا جس میں مظاہرین منتشر ہوگئے۔ لیکن پولیس نے دھرنا پر بیٹھے امانت اللہ خاں کو ان کے حامیوں کے ساتھ حراست میں لے لیا اور رات میں ہی سرکاری کام میں رکاوٹ ڈالنے کے الزام میں انہیں تہاڑ جیل بھیج دیا گیا۔ اس کی حمایت میں آج اوکھلا کے مسلم اکثریتی علاقوں میں پرامن احتجاج کے طور پر دکانیں بند رکھی گئیں۔
