نگرپالیکا کی لاپرواہی کے باعث عوام پریشان

ریاست ہریانہ کے نوح ضلع کے عالیشان بس اسٹینڈ کے اطراف میں پانی جمع ہونے کہ وجہ سے راہگیروں کے علاوہ مکینوں کو بھی حد درجہ تکالیف کا سامنا کرنا پڑرہا ہے۔ لیکن نگر پالیکا کے افسران و کارکنان اس سے بے توجہی برت رہے ہیں۔

یوں تو شہر میں میں جگہ جگہ گندگی کا انبار لگا ہے، لیکن بالکل بس اسٹینڈ کے سامنے پانی اور گندگی کا جمع ہونا عوام کے لیے بڑی پریشانیوں کا سبب ہے۔ اس ضمن میں نمائندہ ای ٹی وی بھارت نے گراونڈ رپورٹنگ کی اور مقامی لوگوں سے بات چیت کی۔

پانی جمع ہونے سے نہ صرف بیماریاں پیدا ہو رہی ہے بلکہ اطراف کے مکینوں کو شدید صحت کا خطرہ لاحق ہے۔ دیواروں کو اس قدر نقصان ہے کہ کسی بھی وقت حادثہ رونما ہو سکتا ہے۔

اگرچہ یہاں کے لئے سیور لائن منظور ہو چکی ہے۔ لیکن انتظامیہ کی لا پرواہی کے چلتے عوام کو مسلسل پریشانیوں کا سامنا کرنا پڑ رہا ہے۔

لوگوں نے محکمہ کے علاوہ وہ ڈپٹی کمشنر کو شکایت دے چکے ہیں لیکن پھر بھی کوئی عملی قدم نہیں اٹھایا گیا۔