بالی ووڈ کے مشہور ٹی وی اور فلمی اداکار سشانت سنگھ راجپوت نے ممبئی میں واقع اپنے گھر پر خودکشی کرلی ہے، جس کی وجہ سے ہر کوئی صدمے میں ہے۔
پولیس کی رپورٹ کے مطابق سشانت گزشتہ چھ ماہ سے ڈپریشن کا علاج کرا رہے تھے اور ان کی خود کشی کا سبب بھی ڈپریشن ہی ہوسکتا ہے پھر بھی پولیس تحقیقات میں مصروف ہے۔
34 برس کے سشانت سنگھ راجپوت کے فلمی کیریئر کا گراف مستقل طور پر بڑھتا جارہا تھا اور اتنی کم عمر میں کئی کامیاب فلموں میں اہم کردار ادا کر کے لوگوں کے دلوں میں جگہ بنانے کے بعد اچانک خودکشی کی خبریں انتہائی حیرت زدہ ہیں۔
وزیر اعظم نریندر مودی سمیت بالی وڈ کے تمام اداکاروں نے بھی سشانت سنگھ راجپوت کی اچانک موت کے بعد ٹویٹر کے ذریعے شدید رنج و غم کا اظہار کیا ہے۔
مشہور اداکار سشانت سنگھ راجپوت کا ملک کے دارالحکومت دہلی سے بھی تعلق تھا، در حقیقت دہلی کے اشوک وہار فیز 3 کے علاقے میں واقع کلاچی ہنسراج ماڈل اسکول سے تعلق رکھنے والے سشانت سنگھ راجپوت نے اپنی 11 ویں اور 12 ویں تعلیم یہیں سے حاصل کی تھی۔
سنہ 2001 سے 2003 تک سشانت سنگھ راجپوت نے اسی اسکول سے اپنی تعلیم مکمل کی، سشانت سنگھ راجپوت اسکول میں ایک بہت ہی فعال طالب علم تھا۔
اسکول سے فارغ ہونے کے باوجود سشانت سنگھ راجپوت مستقل طور پر اپنے اسکول سے وابستہ رہے اور فلموں کی تشہیر کے لیے اسکول بھی آتے تھے۔
اس کے علاوہ اسکول کی سالانہ تقریب میں بھی سشانت سنگھ راجپوت متعدد دفعہ آچکے ہیں اور 4 سال قبل سشانت سنگھ راجپوت فلم مہندر سنگھ دھونی دی ان ٹولڈ اسٹوری کی تشہیر کے لیے بھی اسی اسکول میں اپنی پوری ٹیم اور کرکٹر مہندر سنگھ دھونی کے ساتھ آئے تھے۔
واضح رہے کہ گزشتہ دو مہینوں میں بالی وڈ انڈسٹری نے تین بڑے اداکار عرفان خان، رشی کپور اور اب سشانت سنگھ راجپوت کو کھو دیا ہے۔
تاہم سشانت سنگھ راجپوت کی خود کشی کی خبر کے بعد ایک سوال یہ پیدا ہوتا ہے کہ سشانت سنگھ راجپوت کے خودکشی کرنے کی کیا وجوہات ہوسکتی ہیں جبکہ سشانت سنگھ راجپوت کے کیریئر کا گراف مسلسل بڑھتا جارہا ہے؟
