گزشتہ سال کی طرح ہی وزیراعلیٰ اروند کیجریوال نے آج صبح دس بجے اپنی سرکاری رہائش گاہ پر صاف صفائی کر کے اس مہم کی شروعات کی۔
وزیراعلیٰ نے کہا کہ اس مہم کے ذریعہ دہلی سرکار کی کوشش راجدھانی کو ڈینگو اور چکن گنیا جیسی بیماریوں سے ہمیشہ کے لئے پاک کرانا ہے۔
انہوں نے دہلی کے لوگوں سے اپیل کی ہے کہ وہ خود بھی اس مہم سے جڑیں اور اپنے دس اور دوستوں اور رشتہ داروں کو بھی ساتھ میں شامل کریں۔
انہوں نے کہا کہ بارش کے بعد ڈینگو مچھروں کی افزائش کا امکان بڑھ جاتا ہے۔ مچھروں کی افزائش پر قابو پانے کے لئے گھروں میں پانی جمع کر کے نہ رکھیں اور آس پاس بھی ایسا نہ ہونے دیں۔ اس مہم کو کیجریوال کابینہ کے وزرا، سبھی اراکین اسمبلی اور حکام ہر اتوار کو اپنے گھر میں چلائیں گے۔
