JMI CanCon Symposium جامعہ میں اورل آنکولوجی کے موضوع پر سمپوزیم - اورل آنکولوجی کے موضوع پر سمپوزیم
جامعہ ملیہ اسلامیہ نے’جے ایم آئی کین کن: سمپوزیم آن اورل آنکولوجی‘ کے موضوع پر ایک سمپوزیم کا انعقاد کیا جس کی صدارت جامعہ ملیہ اسلامیہ کی وائس چانسلر پروفیسر نجمہ اختر نے کی۔JMI CanCon Symposium

نئی دہلی:پروگرام ان معنوں میں بے حد کامیاب رہاکہ اس میں سو سے زیادہ شرکا بہ نفس نفیس شریک رہے۔علاوہ ازیں،قومی اہمیت کے اداروں اور ہسپتالوں جیسے کہ آرمی ڈینٹل کارپس(آراینڈ آر) علی گڑھ مسلم یونیورسٹی،بنارس ہندو یونیورسٹی،مولانا آزاد انسٹی ٹیوٹ آف ڈینٹل سائسنز،آئی ٹی ایس ڈینٹل کالج،مرادنگر جے پی ہاسپٹل اورمیکس ہاسپٹل وغیرہ سے متعدد ماہرین آئے تھے۔ پروگرام کے افتتاحی اجلاس کی صدارت مہمان خصوصی برگ(ڈاکٹر) ایس۔کے رائے چودھری (سینا میڈل)آرمی اسپتال (آر ایند آر) نئی دہلی کے پروفیسراور کنسلٹنٹ (او ایم ایف ایس) نے کی۔پروگرام کا آغا ز تلاوت کلام پاک سے ہوا۔اس کے بعد آرگنائزنگ چیئرپرسن پروفیسر(ڈاکٹر)محمد فیصل نے مہمانوں اور سامعین کا استقبال کیا اور ڈین کا خطبہ پروفیسر (ڈاکٹر)سنجے سنگھ نے دیا۔اپنے افتتاحی خطبے میں مہمان خصوصی برگ (ڈاکٹر) ایس کے رائے چودھری،ایس ایم نے پروگرام کے مرکزی خیال کی دل کھول کر تعریف کی ساتھ ہی اس کی تشکیل اور انجام دہی کی بھی ستائش کی اور اس بات کی تجویزرکھی کہ اس طرح کا پروگرام باقاعدگی سے ہوتے رہنا چاہیے۔
انھوں نے اسٹیج پر جلوہ افروز مہمانوں اور مندوبین اور مقررین کوبھی اس موقع پر تہنیئت پیش کی۔آرگنائزنگ سیکریٹری پروفیسر (ڈاکٹر)عمران خان کے اظہار تشکرکے بعد قومی ترانہ گایا گیا اور اس کے ساتھ ہی پروگرام اپنے اختتام کو پہنچا۔سمپوزیم میں شرکت کے لئے پانچ ممتاز مقررین اور بارہ مشہور ومعروف چیئر پرسن کو مدعو کیا گیا ہے۔ ’اورل کینسر‘ کے موضوع پر یہ سمپوزیم اپنی نوعیت کا منفرد پروگرام تھا۔اس میں اورل کینسر کی تشخیص،جانچ اور مینجمنٹ کے موضوعات سے متعلق ڈاکٹر سعید الاسلام(میڈیکل کینسر اسپتال، مغربی بنگال)ڈاکٹر مہتاب احمد(اے ایم یو) ڈاکٹر نتن لیکھا(جے پی اسپتال) ڈاکٹر روہت چندرا(میکس اسپتال) اور ڈاکٹر اکھیلش سنگھ (بی ایچ یو) کے معلمانہ لیکچرز اور خطبات تھے۔
ڈاکٹر سعید الاسلام(میڈیکل کینسر اسپتال، مغربی بنگال) نے کرانیو فیشل ریکنسٹرکٹیو سرجرسی کے موضوع پر کلیدی خطبہ دیاجو کہ پورے پروگرام کا اہم ترین حصہ تھا۔اس کے بعد ’اورل کینسرکے مینجنمٹ میں اختلافات و تنازعات‘کے موضوع پر پینل ڈسکشن تھا۔ مباحثے کے ہمارے اراکین ڈاکٹر روہت پنگا، ڈاکٹر نتن لیکھا اور ڈاکٹر اکھیلش سنگھ تھے جنھوں نے سرگرمی کے ساتھ مباحثے میں شرکت کی۔ پروگرام کا اختتام مختلف کالج کے پوسٹ گریجویٹ طلباکے لئے ایک کوئز مقابلے سے ہوا جس کاعنوان ’آنکوپیڈیا کوئز‘ تھا۔مجموعی طورپر پروگرام انتہائی کامیاب رہا جس سے بیش قیمت تجربات حاصل ہوئے۔اس نے اورل کینسر سے متعلق اساتذہ،ڈاکٹروں اور طلبا کی معلومات کو بہتر کرکے اور علاج میں ان کے تفہیمی افق کو وسعت دے کرسب کے لیے دروازے کھول دیے ہیں۔
یہ بھی پڑھیں:JMI Organize Motivational Talk جامعہ ملیہ اسلامیہ میں ’کیرئیر آپشن کے طور پر فوج‘ کے موضوع پر ٹاک کا انعقاد