اسلامی تعاون تنظیم ( او آئی سی ) کے دو رکن سعودی عرب اور ملیشیا نے بھارت اور پاکستان کو امن برقرار رکھنے کی اپیل کرتے ہوئے مسئلہ کو بات چیت کے ذریعہ حل کرنے پر زور دیا ہے۔
تازہ ترین پیش رفت پر سعودی عرب نے اپنی تشویش کا اظہار کرتے ہوئے اس بات کی تصدیق کی ہے کہ تنازعےکا حل متعلقہ بین الاقوامی قراردادوں کے مطابق پرامن تصفیہ سے ہونا چاہیے۔
مزید پڑھیں : جموں و کشمیر کے سلسلے میں امریکہ کی وضاحت
سعودی عرب نے متعلقہ فریقین سے خطے میں امن و استحکام برقرار رکھنے اور اس کو مدنظر رکھنے کی اپیل کی ہے۔
اس سے قبل او آئی سی کے دو دیگر ممالک متحدہ عرب امارات اور مالدیپ نے کہا تھا کہ جموں و کشمیر سے متعلق اس کا فیصلہ ایک "داخلی مسئلہ" ہے۔
