پولیس نے جامعہ کوآرڈینیشن کمیٹی کے میڈیا کوآرڈینیٹر کو گرفتار کیا ہے، اس پر الزام ہے کہ وہ دہلی کے شمال مشرقی علاقہ میں شہریت (ترمیمی) قانون 2019 کے خلاف احتجاج کا اہتمام کیا تھا۔
پولیس کے جوائنٹ کمشنر الوک کمار کے مطابق گرفتار شخص صفورا زرگر پر جعفرآباد کے علاقے میں سی اے اے مخالف مظاہرے کرنے کا الزام ہے، جہاں ترمیمی قانون کے خلاف احتجاج شروع کیا تھا۔ جن میں اکثریت خواتین کی تھی۔
واضح رہے کہ سی اے اے کے حامیوں اور مخالیفین کے مابین تشدد ہوا تھا جس میں کم سے کم 53 افراد مارے گئے۔ جن میں آئی بی اہلکار انکیت شرما اور ہیڈ کانسٹیبل رتن لال بھی شامل تھے۔
اطلاعات کے مطابق اس سے قبل چھ اپریل 2020 کو دہلی کی ایک عدالت نے شمال مشرقی دہلی میں 'فرقہ وارانہ فسادات کو بھڑکانے کی سازش' کی منصوبہ بندی سے متعلق ایک کیس میں گرفتار ہونے والے جامعہ ملیہ اسلامیہ کے ایک طالب علم کی پولیس تحویل میں مزید نو روز کی توسیع کردی تھی۔
