ای ٹی وی بھارت کے نمائندے نے جماعت اسلامی ہند کے صدر سید سعادت اللہ حسینی سے بات کی اور ان سے بابری مسجد معاملہ پر آئے فیصلہ کے بارے میں سوال کیا، جس پر انہوں نے بتایا کہ، 'سی بی آئی کورٹ کے ذریعے دیا گیا یہ فیصلہ غیر قانونی ہے۔'
انہوں نے کہا کہ، '28 برس گزر جانے کے باوجود صحیح فیصلہ نہیں آیا۔ اس معاملے کو لے کر سپریم کورٹ کا دروازہ کھٹکھٹائیں گے اور جب تک انصاف نہیں ملے گا تب تک قانونی کاروائی کی جائے گی۔'
انہوں نے مزید کہا کہ، 'عدالت نے تمام ملزمین کو اس بناء پر بری کیا ہے کہ ان کے خلاف کوئی پختہ ثبوت نہیں ہے کہ انہوں نے بابری مسجد کو ڈھانے کے لیے پہلے سے کوئی حکمت عملی تیار کی تھی، جبکہ پوری دنیا جانتی ہے کہ بابری مسجد کو ڈھانے کے لئے کس طرح سے رتھ یاترا نکالی گئی اور نفرت انگیز بیانات دیے گئے۔'
مزید پڑھیں:
'آج کا دن بھارتی عدالت کی تاریخ کا سیاہ دن'
انہوں نے امید جتاتے ہوئے کہا کہ، 'سی بی آئی کی عدالت سے تو انصاف نہیں ملا، لیکن سپریم کورٹ سے انہیں انصاف کی امید ہے۔'
